Publicado o Abril 20, 2016
Alquitrén e outras substancias…
No último episodio contámosvos os primeiros trabalhos que lhe estamos a facer ás dornas de tope, ás que non lhes falta moito para voltar ao mar. Hai que ter en conta, ademais, que canto antes acabemos con estas, primeiro deixaremos lista A Meca e o Rakú!
A Meca aínda á espera dos choios…
Aproveitando que a choiva parou algún día, a Rubia, a Laxe de Boibas e a Maraxe foron de novo tomar o sol.
Alí ao fondo a trabalhar na Laxe e na Maraxe.
As máis avanzadas, a Laxe e a Maraxe, xa levaron varias mans de alquitrén e outros meghunghes, e tamén se lhes pintou o pinchón de proa e máis detalhes.
Duelo de proas!
Así que tocaba pórse a trabalhar un pouco na Rubia. O patente e o verdughilho estaban dados, mais aínda lhe faltaba un toque á madeira.
Patente e verdughilho da Rubia prontos.
Despois de pasarlhe unha lixinha á cuberta, a madeira parece que tinha sede…
Dádeme unha pouca Nivea, polo menos…
Unha limpeza xeral á dorna e…
Nin viruta nin serrín!
ao solinho, a Rubia comezou a chupar alquitrén…
Un panel enchorcadinho…
…e o cofete tamén.
Dado o alquitrén, o comandante Ibor preparou a súa fórmula máxica (pedídelhe a receita por WhatsApp) para a cuberta, e primeira man…
Dándolhe a primeira man á cuberta.
Un pouquinho máis de choio, e a Rubia xa ia colhendo outra cara…
Isto xa é outra cousa!
E mentres os barcos estaban ao sol, avanzouse no resto do material. Aceitinho ás panas, aos temóns, e a outras madeiras varias…
Aínda queren outra mansinha ao sol…
Entre tanto pau hai ter coidado de non se confundir!
Será o temón do Rakú? Ou un remo da Meca?
E, a xogo coa dorna, novo look rastafari para a Rubia.
Seguindo as cores tradicionais 🙂
O trabalho avanza, pero as mans non sobran! Coa axuda de tod@s, en breve a naveghar 😉