Publicado o Novembro 6, 2016
O melhor vai acabando…
Quen non nos siga pola nosa páxina de Facebook ha de pensar que levamos semanas parados, sen facer nada, coas dornas abandonadas… E non, hó!?
O 1 de outubro (despois de adiarse a primeira data) estivemos na IX Regata de Dornas á Vela Porto Meloxo.
onde nos xuntamos unhas 20 dornas nunha fermosa regata. As cinco primeiras dornas foron: Jalerna, Faísca, Forza R, A Rona e a Fuxe.
Podedes ver unha galería de fotos da regata neste álbum, e nesta noticia de Todogrove.
Unha semaninha despois celebramos a Regata Festa do Marisco de Dornas á Vela, coincidindo co inicio desta festa.
A travesía foi moi divertida, con varias bolinas e través entre a Toxa e o porto, que a convertiron nun espectáculo bonito de ver.
Na regata volveu ganhar a Jalerna, seguida da Forza R, da Fuxe, da Nova Froiña e d’A Rona, e un bo grupo de dornas que no total chegaban ás 25.
Se queredes ver máis fotos desta regata, tendes esta galería do noso Facebook, e esta outra de Todogrove.
E con pouco tempo de descanso, ao día seguinte ás 11 da manhá tivemos o Desafío Arousa de Dornas a Remos, no que competiron, ademais do equipa anfritrioa meca, remeiros da Ilha de Arousa (campeóns do ano pasado) e de Cambados (convidados).
A regata, en tres longos entre o porto e a ponte da Toxa, venceuna a equipa de Cambados, seguidos dos remeiros d’Ogrove e dos da Ilha respectivamente. Así que @s amig@s de Cambados gardarán o trofeo até o ano que vén!
Podedes ver máis fotos nesta galería do noso Facebook, ou nesta outra da Asociación A Torre.
E aínda han de pensar alghúns que fixemos pouco? Ai que leria… pois tamén asistimos coa Meca, a Irmandiña e a Laxe de Boibas ao Memorial Tito Silva de Cambados!
Parécevos pouco? E se vos dicimos que fixemos unha boa pachanga para fechar a tempada?
O 23 de outubro, xuntamos unha boa tropa de dorneir@s, fixemos varias tripulacións, e a navegar!
Un larguinho até Cambados, volta para Ogrove, e a comer!
Navegantes experientes, nov@s soci@s e afeccionad@s desfrutando dunha xornada de navegación e celebración! (fotos aquí e vídeos aquí)
O ano aínda non acabou pero… po que vén máis e melhor!