Publicado o Maio 2, 2016
Non paramos!
Como muinho parado non ghana maquía, nós continuamos a trabalhar para ter todos os barcos listos o antes posíbel.
As dornas de tope estaban case listas, morrendo por un pouco de salitre, e a Laxe de Boibas non aguantou máis.
Publicado o Maio 1, 2016
A Meca vai en popa!
Coas dornas de tope xa listas, fóronse aproveitando os días de sol para sacar A Meca do local e irlhe rascando un pouco o patente velho… Ler mais
Publicado o Abril 20, 2016
Alquitrén e outras substancias…
No último episodio contámosvos os primeiros trabalhos que lhe estamos a facer ás dornas de tope, ás que non lhes falta moito para voltar ao mar. Hai que ter en conta, ademais, que canto antes acabemos con estas, primeiro deixaremos lista A Meca e o Rakú!
Publicado o Abril 10, 2016
Semana de procesións
Nesta semana que acaba, @s dorneir@s tamén fixemos algunha procesión por Peralto, aínda que esta vez non levamos ao lombo as santas dornas mecas. Primeiro, dornas pa fora…
Antes de comezar a procesión, revisamos que todo estivese en orde
Publicado o Febreiro 5, 2016
Volvemos ao trabalho!
Como xa fora anunciado, este sábado día 30 celebrouse a Asemblea Xeral Ordinaria dos Amigos da Dorna Meca.
Xuntámonos no Pavillón de Deportes Náuticos de Peralto case 30 persoas (estando aí o entroido algúns andaban a afinar a ghorxa), con vontade de trabalhar neste ano que comeza.
Ademais de se aprobaren os trámites habituais (acta da asemblea anterior, estado das contas, etc.), nesta ocasión tamén se aprobou por unanimidade a incorporación á secretaría da asociación de Iria Fernández (substituíndo a Anxo Vilar). Estamos seguro de que fará un trabalho excelente!
Dentro das actividades previstas para este ano 2016, destacamos a volta da Regata dos Faros ás Festas do Carme (nos últimos anos a regata coincidira co desembarco pirata). Deste xeito, esta regata reforza o obxectivo de homenaxear as xentes do mar.
Ademais da organización das actividades habituais (regatas de Porto Meloxo, Camping Miami, e do Marisco), tamén se iniciou a creación de grupos de trabalho para a realización de xornadas divulgativas para a promoción do patrimonio marítimo d’Ogrove. Na asemblea tamén tivemos tempo para discutir unha interesante proposta para fomentar o asociacionismo entre persoas de diferentes xeracións que utilizamos as embarcacións tradicionais.
Sobra dicir, tamén, que na asemblea se manifestou a vontade de continuar a participar no maior número de eventos de divulgación das embarcacións tradicionais, como os diferentes encontros, regatas, e outras actividades relacionadas.
E por se fora pouco, comezamos o ano con novas incorporacións! Forte benvida ás novas socias!