Como foi a Regata de Porto Meloxo?

O día cadrou ben, non era unha daquelas tardes de sol que algúns esperaban, pero foi estupendo para navegar. Hai que recoñecer que tampouco houbo moitas dornas, tivemos algunhas baixas de última hora, ademais da representación dos Amigos da Dorna Meca na regata de Sanxenxo. Aínda así, xuntouse un bo ambiente de regata.

Minutos antes da saída, indicouse o percorrido na reunión de patróns e patroas.

Escoitando as instrucións do Sr. Presidente.

Ler mais

Chega a regata do Porto!

Porto Meloxo! Non vos confundades!

Despois de que os Amigos da Dorna Meca enchésemos outra vez o podio en San Vicente, este sábado día 12 de setembro vaise celebrar a edición 2015 da Regata de Dornas a Vela Porto Meloxo, organizada polos Amigos da Dorna Meca coa colaboración do Café Bar o Porto e da Taberna Meloxeira.

Cartaz da Regata de Porto Meloxo 2015.

Lembrade que nesta regata a saída faise coas dornas (xa aparelladas) varadas na praia. Como dependemos da marea, temos que comezar puntuais, así que antes das 16:00h hai que estar listos!

Xente, vémonos en Meloxo!

III Regata de Dornas a Vela Camping Miami Playa

Dorneir@s, este próximo sábado día 5 de setembro ás 16h (4 da tarde para @s despitad@s), na praia do Espinho de San Vicente, vaise celebrar a III Regata de Dornas a Vela Camping Miami Playa, organizada polo propio Camping coa colaboración -entre outras entidades- dos Amigos da Dorna Meca.

Momento da II edición da regata, en 2014

Como noutros anos, esperamos desfrutar dunha bonita tarde de navegación, tendo en conta que esta é unha das poucas regatas que transcorren fora da(s) ría(s), o que lle dá un carácter especial.

Dornas chegando á meta tamén na II Regata de Dornas a Vela Camping Miami Playa.

Lembrade que, despois da cuchipanda, contaremos coa música ao vivo de Oscar Lorrey (ás 22h30), e que @s participantes na regata tenhen acampada gratis!

Para que non vos esquezades, repetimos:

  • Data: Sábado 5 de Setembro de 2015
  • Hora: Saída puntual ás 16h00
  • Lugar: Praia do Espinho, San Vicente

Non faltedes!

Regata Illas Atlánticas 2015: enchemos o podio!

Este fin de semana celebrouse en San Vicente a Regata Illas Atlánticas de Barcos Clásicos e de Época, na que os Amigos da Dorna Meca participamos con tres dornas: as dúas mecas A Meca e a Irmandiña, e a xeiteira Rabandeira.

O mal tempo (con forte vento do sur) provocou que a segunda etapa (prevista para o domingo) non se disputase, polo que a clasificación final coincidiu cos resultados da etapa do sábado.

Os barcos da asociación participaron na clase Cíes, e como avisamos no título, os resultados non puderon ser mellores!

Imaxe da saída: a Meca xa despuntaba… (Foto: desmarque.es)

Ler mais

Por que necesitamos amarres?

Desde hai máis de 25 anos, os Amigos da Dorna Meca organizamos e participamos nun grande número de actividades culturais e deportivas, con obxectivos como a recuperación, a difusión e a posta en valor do patrimonio marítimo galego e meco, sendo actualmente, con máis de 100 socios, unha das principais asociacións culturais de Ogrove. Ler mais