Amigos da Dorna Meca

Continuamos a velear

O verán avanza, e os Amigos da Dorna Meca seguimos a promover a navegación tradicional na costa galega. Así, este fin-de-semana vámonos dispersar para participar en dúas regatas tanto coas dornas xeiteiras (A Meca e a Irmandiña) como coas dornas polbeiras. Ler mais

A Fuxe, vencedora da XX Regata dos Faros

O pasado sábado, como anunciamos por aquí, celebrouse en aguas mecas a XX edición da Regata dos Faros de dornas á vela.

Nos días anteriores ao evento, prevíase algo de vento fresco, polo que a organización estivo a debater intensamente o percorrido da regata e posíbeis alternativas. Finalmente, decidiuse unha ruta similar á de pasadas edicións, con saída do Porto d’Ogrove, unha virada na baliza do Arido, outra por dentro do faro do Sinás e outra perto da Cabreira (e así, dúas voltas).

Todo baixo control!

Ler mais

XX Regata dos Faros

Outro ano máis (e xa van 20!) chega a Regata dos Faros ás aguas mecas. Coincidindo coas Festas do Carme, vamos celebrar esta regata de dornas polbeiras á vela con saída do Porto d’Ogrove ás 16h00 deste sábado día 15.

Cartaz da XX edición da Regata dos Faros.

A regata está organizada pola nosa asociación, Amigos da Dorna Meca, e conta coa colaboración do Asador Marisquería Xantar da Ría, da Federación Galega pola Cultura Marítima e Fluvial (Culturmar), e do Concelho do Grove.

E non temos moito máis que dicir. Vémonos este sábado n’Ogrove!

A caminho do XIII Encontro

Este ano o Encontro de embarcacións tradicionais chega á XIII edición, que se celebrará en Combarro este próximo fin de semana, do 29 de xunho ao 2 de xulho. Esta edición do grande evento da cultura marinheira galega é organizada polo CM A Reiboa e pola Federación Galega pola Cultura Marítima e Fluvial, coa colaboración do Concelho de Poio.

Ler mais