Publicado o Outubro 6, 2016
Xa están aquí as Regatas do Marisco
Como nos últimos anos nestas datas, os Amigos da Dorna Meca organizamos dúas regatas de dornas na Festa do Marisco: á vela e a remos!
Este sábado día 8 de outubro, con saída puntual ás 16h, a Regata do Marisco de Dornas á vela.
E xa no día seguinte, domingo día 9, Desafío a Remos, ás 11h da manhá, entre os equipos d’Ogrove, Ilha de Arousa e Cambados. Ler mais
Publicado o Setembro 27, 2016
IX Regata Porto Meloxo
Como esta semana parece que o tempo vai acompanhar (esperemos!), confirmamos que o sábado día 1 de outubro de 2016 vaise celebrar a IX Regata de Dornas á Vela Porto Meloxo, con saída da propia praia do Porto ás 16h!
Cartaz do evento
Aínda tendes uns días para practicar a saída!
Publicado o Setembro 21, 2016
Adiada a Regata de Porto Meloxo
Ante a previsión de mal tempo (forte vento do sur) para este sábado 24 de setembro, a Regata de Dornas á Vela de Porto Meloxo deste 2016 adíase para a semana seguinte, o sábado 1 de outubro, ás 16h.
Seguiremos informando…
Publicado o Setembro 7, 2016
A Marijuana arrasou en Miami!
…e falamos de dornas!
Este pasado sábado celebramos a IV Regata de Dornas á Vela “Camping Miami Playa”, no porto de Pedras Negras.
Algunhas dornas xa chegaran por mar uns días antes, outras pola manhá, e outras a tempo para a regata… de calquer maneira, houbo que empurrar polas 15 dornas que competían.
Deixádeme sitio!
Publicado o Agosto 30, 2016
IV Regata de Dornas á Vela “Camping Miami Playa”
Amig@s, este sábado día 3 de setembro poderemos desfrutar da IV Regata de Dornas á Vela “Camping Miami Playa”, con saída da Praia do Espinho (ao lado do Porto de Pedras Negras, en San Vicente) ás 16h00.
Esperamos vervos por alí para gozar desta bonita regata, que enche de velas de relinga o mar da Lanzada!
E obrigad@s ao Camping Miami Playa, que un ano máis se esforza en organizar esta regata coa que os Amigos da Dorna Meca estamos encantad@s de colaborar!
