A Regata do Marisco, para a Nécora!

Nada menos que 24 dornas de toda a ría nos xuntamos no dique de abrigo este sábado para participar na Regata do Marisco 2017! Marabilhosa tarde de navegación!

Pola banda de dentro non era mal sitio para amarrar 😀

Con coidadinho entre o aparelho, as patroas e os patróns analisaban os ventos, as marés, e trimaban as velas… Como outros anos, saída para o sur, virada á altura de Pardenhos, boia na Cabreira, e outra virada antes do Sinás: dúas voltas.

O Sr. Presidente, como é habitual, deu a saída con precisión á milésima (e sen cronómetro!).

Isando velas!

Había pouquinho vento do noroeste, así que no primeiro largho comezaron os desmarques:

Entre a saída e a primeira virada o pelotón foise separando pouco a pouco…

As primeiras dornas xa coa vela cambiada.

Para chegar á segunda boia, a norte da Cabreira, as dornas continuaban noutro larghinho

Proa á Cabreira.

Varas ao punho da escota, e a navegar!

A seguinte boia estaba de proa ao vento, así que despois da virada as dornas comezaban a bolinar…

A boia da Cabreira, unhas chegando, outras saíndo.

Aínda que suave, alí fóra había un pouquinho máis de vento…

A bolinar entre as bateas.

A maior parte das dornas preferiron ir buscar o vento alí fóra, mais outras viraron para o sur, aproveitando a marea.

Diferentes estratexias para achegarse á última boia.

Ademais dos catamaráns de paseo, as dornas tiveron máis visitas durante a regata:

Aínda se xuntou un bo grupo de arroases a saltaren!

E como as saídas de iniciación á navegación tradicional serviron para moito, novas patroas e tripulacións participaron na regata!

As novas patroas e o profesor/examinador na Fanequeira.

A meta foi na primeira boia, e alí estaba o Sr. Presidente & friends preparados coa busina reglamentaria!

Ecolóxica e homologada!

A primeira dorna en chegar, a Nécora!

A Nécora chegando á meta!

Seguida doutros carcamáns, a Bazarra!

Sorride para a foto!

En terceira posición, os irmáns Quin e Dani Otero na Faísca!

A Faísca!

E así foron chegando o resto das dornas (as que acabaron…), con novos tripulantes como Peixe:

Javi e Peixe na Chunga.

E outros máis veteranos, como Terra!

Terra e o resto da tripulación da Maraxe 😉

En fin, unha tarde moi boa para navegar, divertirse e continuar a promover as embarcacións tradicionais!

Clasificación:

  1. Nécora
  2. Bazarra
  3. Faísca
  4. Forza R
  5. Fuxe
  6. Noelia
  7. Bichasa
  8. Chunga
  9. Toxiña
  10. Zenaida
  11. Lara Doce
  12. Rosalía
  13. Marijuana
  14. Funqueira
  15. Cormorán de Ons
  16. Fanequeira
  17. Maraxe
  18. Montañesa
  • Selosa
  • Enayr
  • Triñana
  • Beliña
  • Sikamontes
  • Calloa

Nota: queixas da clasificación á directiva! 😀

Ao chegar a terra, as Amigas da Dorna Meca, cos representantes do concelho, tinhan todo preparado para a entrega de trofeus:

Parte da directiva e os premios (obrigados A Factoría!)

Campeóns!

Parabéns á Nécora e ao resto das tripulacións!

Que fagho con esta ghamela? Ten folio?

E ademais dos premios, vímonos obrigados a repor forzas cunha boa cuchipanda da que preferimos non subir fotos para evitar envexas…

Obrigados ao Concelho d’Ogrove e á Festa do Marisco, á Serigrafía MEU, a A Factoría-Arte e Oficio e a Culturmar!

Tendes fotos da regata a maso nas seguintes galerías (de onde as roubamos nós…):

Deixa unha resposta

O teu enderezo electrónico non se publicará Os campos obrigatorios están marcados con *

*