Rubiasa
A Rubiasa é a outra dorna de tope dos Amigos da Dorna Meca, de características moi similares á Laxe de Boibas. Aparella, tamén, vela de relinga.
Esta dorna, anteriormente chamada Rubia, foi reconstruída por Pablo Gondar (como na Laxe de Boibas, coa axuda de José Manuel Triñanes e Constante Cachupeiro) a partir dun casco antigo dunha dorna tradicional de construción a tope.
A Rubia (á esquerda) e a Laxe de Boibas (dereita), en Porto Meloxo.
Desde o ano 2016 foi cedida polo seu armador á Asociación Amigos da Dorna Meca, pasando a ser rebautizada co nome actual de Rubiasa.
A Rubiasa pronta para ir ao mar, en 2017.