Publicado o Agosto 5, 2015
Próximos eventos. Tripulantes: onde andades?
Este mes de agosto vén carghadinho de eventos, así que pedimos un pouco de organización para facer as tripulacións dos barcos nas diferentes saídas planificadas.
Ademais da XII Xuntanza de Embarcacións Tradicionais de Moanha, vai haber diferentes actividades en varios puntos das Rías Baixas. Ler mais
Publicado o Xullo 30, 2015
O racusinho volveu navegar
Como sabedes, o noso emblemático Rakú botou o verán pasado en terra, despois dunhas pequenas reparacións na quilha e nos costados feitas nos Estaleiros Garrido.
Había moita ansia por velear de novo nel, e moit@s morrían por probar (de novo, ou por primeira vez) a súa vela de martelo. Ler mais
Publicado o Xullo 26, 2015
A escuadra meca nos encontros de Cabo
Xa pasaron uns días desde que acabaron os XII Encontros de Embarcacións Tradicionais, en Cabo da Cruz, nos que os Amigos da Dorna Meca participamos activamente.
E non foron só os barcos da asociación os que encheron os pantaláns, xa que moitas outras embarcacións de soci@s e amig@s tamén puxeron rumo a Cabo para participar nos Encontros.
Os máis madrugadores saíron xa o xoves, con pouco vento, para poder desfrutar do tradicional izado de velas e da noite intercéltica que preparou a organización.
Publicado o Xuño 23, 2015
Organizándonos para o Encontro de Cabo da Cruz
O pasado sábado día 20, no Museo do Pobo Galego, presentouse oficialmente o XII Encontro de Embarcacións Tradicionais, que xa conta con case 100 barcos inscritos!
Como xa dixemos por aquí, os Amigos da Dorna Meca vamos participar no Encontro levando todos os barcos da asociación. Ler mais
Publicado o Xuño 15, 2015
E pasou a Regata dos Faros
As previsións do tempo non eran moi boas. Vento sur constante para todo o sábado con fortes rachas ao mediodía. Pero notouse que había ghana de regata, e no Corgo xuntáronse 20 dornas chegadas por mar e por terra de varios puntos da ría.
A saída era para as 12h, pero amablemente esperamos por algunhas dornas que chegaron pola hora portuguesa 🙂
Ás 13h comezou a XVIII Regata dos Faros, 19 dornas (unha preferiu ir a pique ao lado de terra que alá nas Umias 😉 ) saíron do Porto d’Ogrove nunha empopada á baliza do Arido.