Publicado o Abril 15, 2017
Apadrinhando os barcos
Hai quen morria por trabalhar (e trabalhou!) desde o día de ano novo. Outr@s esperaron a que acabasen as (poucas) choivas, e a que pasase a asemblea para ir apadrinhando os barcos.
As últimas incorporacións (cada día somos máis!) querían saber como é o conto este do alquitrén, do aceite de linhasa, etc. Aínda que xa o contamos aquí outras veces, vámolo resumir brevemente:
1. Seleccionamos unha persoa preparada para a acción:
Non sabemos se está preparado, pero é o que tínhamos á man!
2. Usamos o método tradicional (ou camping gas) para quentar o meghunghe:
Remenxe, remenxe…
3. Dámoslhe unha mansinha xeitosa:
Se sobra boto un pouco polo peito!
4. Analisamos como reve:
Pouca cousa, pouca cousa…
Unha vez seco o alquitrén, vanse facendo outros trabalhos:
-
-
- ensinarlhe ás novas xeracións:
-
Vai haber novas dorneiras a maso!
-
-
- ir acabando a obra morta:
-
Obra morta da Rubiasa lista!
- preparar a cuberta:
A cuberta da Rubiasa. Dá ghusto mirar pa ela!
- pintar o pinchón de proa e o verdughilho:
A Laxe de Boibas. En verde vailhe ben
- dar patente:
Este ano a Laxe cambia de imaxe!
- pintar de novo o pinchón de proa:
Vamos probar con este azul que sobrou…
- pintar de novo o verdughilho…
Disque é a bandeira da patria… Mirándoo ben…
Aínda ben que a alghún non lhe pasou pola cabeza dar patente de novo!
E mentres uns trabalhan fóra, outros non perden o tempo dentro. Ao rakú facíalle falta algo de choio
Cambiar algunha madeira velha…
E nas mans dun profesional, o trabalho queda sempre melhor!
Con estilo! O rakú tanto pode ir caminho do mar, como caminho do río!
Contodo, outros dorneiros aproveitaron para ir até á ilha de Ons a ver se topaban unha dorninha que apadrinhar:
Primeiro preguntaron no bar…
Falaron con varios armadores, e examinaron as embarcacións:
Cun pouco de ansia, en 15 días temos dorna nova!
Non quedaron moi decididos, vamos ver o que traen de volta!
Estade atent@s que estes días varios barcos ao mar!